بھٹکل16؍ مئی (ایس او نیوز) گذشتہ سالوں کی طرح امسال بھی اسداللہ اسوسی ایشن کی جانب سے علاقہ کے غریب طلبہ و طالبات کو مفت اسکول بیگس اور نوٹ بکس تقسیم کئے گئے۔ اس موقع پر  اسداللہ کے صدر عنایت اللہ شاہ بندری، سابق جالی پنچایت ممبر مسعود شینگیری اور سمیر پیشمام ، معروف ،ودیگر موجود تھے ۔

اخبار نویسوں سے گفتگو کرتے ہوئے عنایت للہ شاہ بندری نے بتایا کہ پچھلے چھ سالوں  سے  بھٹکل کی اسد اللہ اسوسی ایشن غریب طلبہ و طالبات  کی تعلیمی  ضرورت کو پورا کرنے کی خاطر  مفت اسکولی بیگس اور نوٹ بکس  تقسیم کرتی آ رہی ہے  ۔ اسد اللہ اسوسی ایشن کی جانب سے  یہ قدم سماج میں معاشی طور پر غیر مستحکم طلبہ و طالبات کی امداد کے جذبہ سے کیا جاتا ہے ۔ مزید معلومات فراہم کرتے ہوئے انہوں نے کہا کہ  اسد اللہ اسوسی ایشن  پہلی جماعت سے  بارہویں جماعت تک کے طلبہ و طالبات میں نوٹ بکس تقسیم کرتی ہے ۔  خیال رہے کہ  اسد اللہ اسوسی ایشن  نے کھیل کے میدان  میں بھی اپنی ایک شناخت بنائی ہے ۔